Betano, 27 Agostu 2026 Escola Superior Agronomia I Zootécnica (ESAZ) no Preimeru Vice prezidente Área Técnico, Científica e Académica realiza sosializasaun ou estudu biabilidade hodi informa ba autoridade lokal sira iha suku Betano katak tuir planu tinan oin atu aumenta tan kursu foun rua iha Eskola Superior Agronomia e Zootécnica (ESAZ) hanesan Kursu Agronomia no Kursu Saude Animal, tamba desde 2017 to’o 2026 uluk IPB bazeia ba Dekretu Lei, Nu.45/2017 no agora Transforma ba IPTL iha Dekretu Lei, Nú. 28/2025 19 de Agosto.
Primeiru vise prezidente IPTL, Sr. Ir. Pedro de Deus, M.Si.,IPM esplika kona-bá ezisténsia Eskola Superior iha IPTL tolu (3), rua mak agora iha Betano maka Escola Superior Agronomia e Zootécnica (ESAZ) Curso de Produção Animal no Escola Superior de Engenharia Curso Construção Civil no ida foun ne’ebé integra mai iha IPTL mak Escola Superior do Estudo e Investigação do Café (ESEIC) ho nia kursu ha’at husi East Timor Coffee Institute (ETCI-ERMERA) nia agora intega ona ba Governu iha dezembru 2025.
“Tuir planu iha tan Eskola Superior de Hotelaria e Turismo (ESHT) ida sei iha Lospalos, maibe Eskola superior sira iha Ermera no Lospalos sira nia sentru iha Betano tamba ne’e husi IPTL liu husi ESAZ”. Dehan Sr. Pedro
Iha Sosializasaun ne’e, husi ESAZ mai esklarese no fahe informasaun ba autoridade lokal sira atu lori bele hatene no hodi bele fahe tutan informasaun sira ba komunidade sira hodi hatene no rona evolusaun sira ne’ebé akontese iha IPB mai IPTL uluk iha Eskola Superior rua maibe agora iha Eskola Superior ha’at.
Iha fatin hanesan, reprezentante Xefe Suku Betano Sr. Domingos da Silva agradece tebes tamba husi Instituto Politécnico de Timor – Leste (IPTL) liu husi Escola Superior Agronomia e Zootécnica(ESAZ) bele mai passa ona informasaun atu aumenta tan kursu rua hanesan Kursu Agronomia no Kursu Saude Animal iha Eskola Suprior Agronomia e Zootécnica (ESAZ).
Atividade refere hala’o iha sede suku Betano no hetan Partsipasaun hosi Primeru Vise prezidente Área Técnico, Científica e Académica, Diretor Eskola Superior Agronomia no Zootéknika (ESAZ), Dosente Curso de Produção Animal, Estrutura Suku no Autoridade lokal iha suku Betano.
Média IPTL
