Betano, 07 Setembro 2026 Instituto Politécnico de Timor – Leste (IPTL) nia Magnífiku Prezidente Mestre Alcino da Costa Isaac A. Fernandes M.Ed hanesan prezidente Konsellu Koordenasaun (KK) hamutuk ho nia membru sira seluk hala’o reuniaun hodi kordena hamutuk serbisu prioridade sira ba oin. Enkontru refere hala’o iha sala reuniaun Gabineti Prezidente – IPTL.
Iha reuniaun refere konsellu koordenasaun (KK) sira hotu halo ona konkordansia hodi halo aprovasaun ba Organograma foun IPTL nian ne’ebé mak aprezenta husi ekipa Departamentu Teknologia no Informatika (TI).
Iha biban ida ne’e, Sr. Xisto Constantino Pinheiro hanesan mós sekretariadu KK aprezenta mos kandidatura ba Bolsa hosi FDCH nian hodi halo diskusaun lubuk ida ba kandidatu bolsa estudo husi IPTL nian husi rejime espesial no rejime jeral.
Nune’e iha konkondansia hodi iha votasaun membru konsellu koordenasaun sira hotu deside ona kandidatura ida maka sei ba konkore iha bolsa refere.
Nomos iha oportunidade ne’e membru konsellu koordenasaun sira hotu fo sai kona-bá atividade Desiminasaun ka Asessu Ingresu nian ne’ebé maka sei lao hamutuk ho Ministériu Ensinu Superiór , UNTL no IPTL ne’ebé maka sei akontese iha semana oin dia 14 – 18 fulan ne’e.
Ikus liu fo hanoin mos ba parte sira hotu atu hare hamutuk kona-bá preparasaun ba atividade judisium no graduasaun ba tinan ida ne’e ne’ebé maka sei akontese iha tempu besik.
Partisipa iha atividade refere Membru Konsellu Koordenasaun sira hotu inklui ESEIC – Ermera nomos, Departamentu TI nomos Tékniku sira. Média IPTL
