𝐅𝐔𝐍𝐒𝐈𝐎𝐍𝐀𝐑𝐈𝐔 𝐈𝐏𝐓𝐋 𝐏𝐀𝐑𝐓𝐈𝐒𝐈𝐏𝐀 𝐅𝐎𝐑𝐌𝐀𝐒𝐀𝐔𝐍 𝐄𝐒𝐏𝐄𝐒𝐈𝐅𝐈𝐊𝐔 𝐈𝐇𝐀 𝐈𝐍𝐀𝐏

Instituto Politécnico de Timor Leste (IPTL) nia funsionáriu hamutuk na’in-sanulu resin ha’at (14) partisipa iha atividades Formasaun Espesializada iha Instituto Nacional Adaministração Pública (INAP), ne’ebé fasilita Orsamentu husi INAP no Formador mai husi Ministerio Finansa nian. Segunda-feira 04/05/2026.

Formasaun ida ne’e sei hala’o iha Salaun INAP, durante loron 5 hahu husi loron 04 – 08/05/2026 ho materia Espesializado sira maka hanesan 𝑱𝒆𝒔𝒕𝒂𝒖𝒏 𝑭𝒊𝒏𝒂𝒏𝒔𝒂 𝑷𝒖𝒃𝒍𝒊𝒌𝒂 𝑵𝒐 𝑲𝒐𝒏𝒕𝒂𝒃𝒆𝒍𝒊𝒅𝒂𝒅𝒆, 𝑻𝒆𝒛𝒐𝒖𝒓𝒖 𝑨𝒅𝒊𝒂𝒏𝒕𝒂𝒎𝒆𝒏𝒕𝒖, 𝑬𝒛𝒆𝒌𝒖𝒔𝒂𝒖𝒏 𝑶𝒓𝒔𝒂𝒎𝒆𝒏𝒕𝒂𝒍 𝑵𝒐 𝑭𝒐𝒓𝒎𝒂𝒍 𝑷𝒂𝒚𝒎𝒆𝒏𝒕, 𝑷𝒂𝒈𝒂𝒎𝒆𝒏𝒕𝒖 𝑫𝒊𝒓𝒆𝒕𝒂 𝑰𝒉𝒂 𝑷𝒓𝒐𝒔𝒆𝒔𝒖 𝑭𝒓𝒐𝒏𝒕 𝑶𝒇𝒇𝒊𝒄𝒆 𝑴𝒊𝒅𝒍𝒆 𝑶𝒇𝒇𝒊𝒄𝒆 𝑵𝒐 𝑩𝒂𝒄𝒌 𝑶𝒇𝒇𝒊𝒄𝒆.

Iha Sesaun Abertu Diretor Jeral Instituto Nacional Administração Pública (INAP) Sr. Policarpo Amilcar Boavida, hateten katak Formasaun sira hanesan ne’e, hola parte mos ba iha Direitu Funsionariu ida-idak nian no orbigatoria atu funsionariu sira partisipa iha Formasaun Espesializadu sira hanesan ne’e.

Hatene mos katak ita iha limitasaun oi-oin, tamba ne’e presija formasaun sira hanesan nune’e hodi halao servisu diak liu tan iha Institusaun sira ne’ebé ita ida-idak haknar-an ba. Ho nune’e hodi naran INAP nian hakarak expresa mos esperansa sira katak Formandu sira sei partisipa iha formasaun ida ne’e lao diak to remata, nune’e mos lori INAP nia naran hato’o Bom Aproveitamento e Bom Sucesu ba Partisipantes sira hotu.

Iha fatin hanesan Vossa Magnificiência Prezidente IPTL, Mestre Alcino da Costa Isaac Andrade Fernande, hateten katak IPTL hanesan Instituisaun Akademika ida iha Timor Leste tamba ne’e laos tau importansia ba formasaun Akademika nian ,maibe mos halo balansu ba importansia formasaun ba assuntu ka area sira Administrasaun no Finansa Publika, tamba tempu sempre lao ba oin, no ita presija atualiza fila fali koñesimentu sira ne’e iha ona ho tempu sira agora ne’e nian.

Ho ksolok lori naran IPTL nian hato’o Agradesimentu klean ba INAP, tamba fasilita Finanseiru, Fasilidade hodi nune’e Funsionariu husi IPTL bele hetan Oportunidade mai Partisipa iha Formasaun Espesializada ida ne’e. IPTL ho INAP iha ona hanoin hamotuk hodi explora diak liu tan koperasaun sira iha futuru oin mai. Nune’e mos husu ba partisipantes sira katak Aproveita didiak oportunidade ida ne’e, hodi fila ba halao servisu diak liu tan iha Instituto Politécnico de Timor Leste. Alcino hakotu. Entretantu marka prejensa hodi, akompaña Abertura ba Formasaun espesializada ida ne’e maka Diretor Nasional Administrasaun Planu no Finansa INAP ho Xefe Gabinete INAP nian.

#IPTL#INAP#FormasaunEspesializa#JestaunFinansaPublika

Dili, 04 Maiu 2026

Media IPTL