Betano,19 Agostu 2026 Instituto Politécnico de Timor-Leste (IPTL) nia magnífiku Prezidente Mestre Alcino da Costa Isaac A. Fernandes akompana hosi nia Vise Prezidente nain rua ho Estrutura sira hamutuk ho Eskola Superior Agronomia no Zooteknika ( ESAZ) Kursu Produsaun Animal, nia Estrutura no Dosente sira simu ekipa Espesialista ka Professor sira hosi Universidade Brawijaya Indonesia.
Entretantu iha Vizita serbisu ofisial ne’e objetivu atu koopera diak entre Brawijaya ho IPTL iha área oioin hanesan Peskiza hamutuk, Estudu Komparativu sira, Stajiu Profesional no Sira seluk tan.
Foku prinsipal iha área agrikultura ho inovasaun modernu no liu -liu iha Pekuaria nian hanesan Kursu Produsaun Animal, Agronomia, Saúde Animal no sira seluk tan.
Vizita refere iha IPTL sei hala’o durante loron tolu atividade Vizita kampu no seluk seluk tan.
Akompanha atividade ne’e Estrutura Máximu IPTL nian, Escola Superior do Estudo e Investigação do Café (ESEIC -Ermera).
Média IPTL
