Instituto Politécnico de Timor – Leste (IPTL) nia Magnífiku Prezidente Sr. Alcino da Costa Isaac A. Fernandes, M.Ed ho estrutura kongratula no hato’o Ben-vindu ba Doutor Elfrido Elias Tita, Ph.D. ne’ebé konklui ona nia Estudo Nivel Doutoramento iha Universidade Yamaguchi, Japaun. Sorumutu ne’e hala’o iha sala gabinete IPTL.
Iha Intervensaun Magnìfiku Presidente IPTL senti Orgullu Tamba IPTL mos iha ona rekursu ho nivel Doutoramentu, no hato’o parabens no Ben-Vindu mai fali ita nia uma IPTL hodi serbisu hamutuk dezenvolve IPTL.
Iha fatin hanesan Doutor Elfrido rasik kompremete Katak sei Kontribui ba IPTL tuir Kapasidade no Koñesimentu ne’ebe nia iha no Hetan durante ne’e. Dosente Elfrido Elias Tita, Ph.D. rasik hanesan dosente permanente dahuluk ho grau doutoramento iha IPTL.
Iha sorin seluk maka Magnifíku Prezidente IPTL fo lembransa hanesan Tais ba dosente Elfrido. Partisipasaun iha sorumutu ne’e mak hanesan Primeiru no segundu vise prezidente IPTL, Diretor Nasional sira, Diretor Eskola superior, kordenador laboratoriu ESE no dosente Konstrusaun Sivil.
#IPTL#JAPAUN#DOUTORAMENTU#DOSENTEELFRIDO
Betano, 27 Abril 2026
Media IPTL
