Instituto Politécnico de Timor-Leste (IPTL) Nia magnífiku Prezidente Mestre Alcino da Costa Isaac A. Fernandes akompañia husi estrutura no funsionáriu IPTL nian partisipa iha funebre ba maktoban Dr. José Honório iha nia fatin deskansa ikus nian iha nia rezidensia Maubara munisipiu Likisa.
Sentimentu no sentidu profunda ne’e oferese ba matebian Dr. José Honório da Costa Jerónimo no nafatin firme akompañia tuir ajenda hahu husi Misa requiem iha igreja São João de Brito Liquisa, to fila ba halo’ot matebian nia isin mate iha aredores matebian nia rezidensia rasik iha Maubara Liquisa loraik ne’e. Entretantu IPTL sentimentu triste tambá lakon ema lider iha Ensinu potênsia no visionáriu di’ak ida be sakrifika nia an tomak no matenek atu hadia Ensinu Superior sira iha Timor -Leste.
Partisipa iha serimónia requiem to ba halo’ot matebian hetan partisipasaun másimu hosi Membro Governu sira, instituisaun públiku no privadu sira deputadu sira, igreja estudante universitáriu sira, komunidade, nomos familia husi maktoban rasik. Média IPTL
