Instituto Politécnico de Timor – Leste (IPTL) kontínua hasa’e bandeira kada fulan ba semana dahuluk, ohin segunda (04/05/2026) ne’ebé responsavél ekipa hasa’e bandeira no koru hosi estudante Eskola Superior de Agronomia no Zootéknika (ESAZ), Kursu Produsaun Animal (KPA) Turnu 2026 iha resintu IPTL.
Iha biban hanesan Inspetor Geral IPTL Sr. Roberto da Costa Magno nu’udar mos hanesan inspetor da serimónia iha atividade Isar bandeira ohin afirma ba estrutura, funsionariu sira atu sai ezemplar hodi kumpri oras hanesan ne’ebé maka regula ona iha instituisaun estadu sira iha Timor – leste.
Tamba ne’e nia mos haforsa tan ba estudante sira tenki hatudu nafatin maturidade no pontualidade hodi tuir aula sira ho másimu nomos ba funsionariu sira katak bandu labele fuma sigaru iha aredores IPTL hodi hatudu ezemplar no kumpri ba regulamentu ne’ebé vigora ona. Atividade isar bandeira ne’e hetan partisipasaun hosi , Primeiro Vise Prezidente, Diretor Eskola Superior rua (2), Kordenadór kursu sira, Kargu Xefia, Dosente , funsionariu, Administrasaun nomos Estudante.
#InspetorSerimonia #03052026 #IPTL#ESAZKPA#Isarbandeira
Betano, 04 Maiu 2026
Media IPTL