𝗦𝗘𝗚𝗨𝗡𝗗𝗨 𝗩𝗜𝗦𝗘 𝗞𝗢𝗡𝗩𝗢𝗞𝗔 𝗥𝗘𝗨𝗡𝗜𝗔𝗨𝗡 𝗛𝗢 𝗗𝗜𝗥𝗘𝗦𝗔𝗨𝗡 𝗧𝗨𝗧𝗘𝗟𝗔𝗗𝗨 𝗦𝗜𝗥𝗔, 𝗔𝗣𝗥𝗘𝗭𝗘𝗡𝗧𝗔 𝗣𝗥𝗢𝗚𝗥𝗘𝗦𝗨 𝗔𝗧𝗜𝗡𝗝𝗜𝗠𝗘𝗡𝗧𝗨 𝗦𝗘𝗥𝗩𝗜𝗦𝗨 𝗧𝗥𝗜𝗠𝗘𝗦𝗧𝗥𝗔𝗟 𝗗𝗔𝗛𝗨𝗟𝗨𝗞

Instituto Politécnico de Timor – Leste (IPTL) liu husi nia Segundo Vise Prezidente Plano Finansas Sr. Xisto Constantino Pinheiro hala’o enkontru hamutuk ho Diresaun no Departamentu sira inklui funsionariu tuteladu sira kona-bá progressu atinjimentu servisu. Atividade ne’e iha sala armajen ESAZ resintu IPTL, kinta feira, 30/04/2026.

Objetivu husi enkontru ne hodi avalia progresu atinjimentu servisu trimestral, tuir baze legal sira, progresu ezekusaun orsamentu, fontes reseitas sira inklui nia dezafius sira hodi hadia no mellora diak liu tan iha trimestre sira tuir mai, nune’e mos loke abertura ba sesaun aprezentasaun hosi kada diresaun.

Entretantu iha aprezentasaun refere kompostu hosi kada diresaun tuteladu sira maka hanesan Diresaun Nasional Planeamentu Finansas, Diresaun Nasional Aprovizionamentu, inklui nia departamentu sira maka hanesan Departamentu Planeamentu finansas no Evaluasaun, Departamentu Tezouru, Departamentu kontabilidade, Departamentu Gestaun Adm. no Manutensaun nomos Departamentu Gestaun Servisu Aprovizionamentu.

Iha biban hanesan Segundo Vise mos apresia no agradese ba servisu durante ne’e hosi kada diresaun ida-idak nian ho nia rezultadu nomos dezafius sira atu bele mellora diak liu tan iha trimestre tuir mai, nia aumenta tan ho oportunidade refere hodi aprezenta konabá planu orsamentu ba 2027 nian, hodi dezafia ba kargu no direjentes hosi kada diresaun atu bele serbisu makas atu nune’e hodi bele garantia funsionamentu institusional hodi duni ita ezekusaun sira tuir persentajen ne’ebé maka ita hotu hakarak ho kualidade diak liu tan iha futuru.

#IPTL #Diresaun #Departamentu #Progressuservisu #Planu

Betano, 30 Abril 2026

Média IPTL.