Instituto Politécnico de Timor -Leste (IPTL) nia Magnífiku Prezidente Mestre Alcino da Costa Isaac A. Fernandes M.Ed Partisipa iha Seminariu Sientífiku ne’ebé realiza hosi Eskola Superior Agronomia no Zootécnica (ESAZ) liu husi Kursu Produsaun Animal hamutuk ho orador prinsipal ida naran drh. Alipio de Almeida, M.Phil, ho nia tema “Papel Teknologia Inseminasaun Artifisial ba Produsaun Animal iha Timor – Leste”. Atividade ne’e hala’o iha salaun auditoriu IPTL, tersa ne’e 28/04/2026.
Iha Semináriu refere intervensaun badak hosi Diretór eskola Superiór Agronomia no Zootéknika Ir. Julio Vicente S.Pt.,M.Sc.,IPM hateten liu husi seminar ida ne’e atu fo hanoin ita liu-liu ba estudante sira kona-bá teknologia Inseminasaun Artifisial nian nomos ho nia objetivu atu eleva imi nia koñesimentu iha area Inseminasaun Artifisial ba hasa’e produsaun animal iha Timor – Leste.
Iha biban hanesan Magnífiku Prezidente IPTL akresenta katak atividade sira hanesan ne’e importante tebes hodi hasa’e koñesimentu iha papel teknologia nian liga ho Inseminasaun Artifisial ba Produsaun Animal nian. Akademista ne’e mos hato’o agradese ba Orador tamba bele fo ona tempu hodi mai partilla hanoin diak sira hodi ajuda alin estudante sira iha Produsaun Animal nian. Depois de intervensaun iha mos abertura ba Atividade Seminariu Sientífiku ida ne’e.
Iha fatin hanesan iha mos introdusaun badak hosi orador drh. Alipio de Almeida, M.Phil hodi koalia kona-bá Papel Teknologia Inseminasaun Artifisial nian ba Produsaun Animal iha Timor – Leste.
“Objetivu prinsipal maka kompriende kona-bá produsaun no produtividade animal nian nomos ho Teknologia refere bele fo solusaun konkreta ba parte sira hanesan aselera hadia Genetika, aumenta Taxa Natalidade (Moris) nomos bele reduz moras ba Animal sira”. tenik drh. Alipio
Atividade refere hetan partisipasaun másimu hosi Primeiro Vise Prezidente ho Segundo Vise – Prezidente IPTL, Dosente Sira , Tékniku Laboratoriu nomos Funsionariu sira ho Estudante Ativu sira.
#IPTL #Semináriu #Artifisial #Produsaunanimal #Inseminasaun #TimorLeste. Betano, 28 Abril 2026.
Média IPTL
