Betano, 28 Maiu 2026 – Instituto Politécnico de Timor – Leste (IPTL) nia Magnífiku Prezidente Mestre Alcino da Costa Isaac A. Fernandes simu vizita ida hosi Diretór Jeral Planu Finansas Sr. Trinito Sarmento hosi Ministériu Ensinu Superior, Siénsia no Kultura (Siglá Portugéz, MESCC ) ho nia ekipa hodi diskute kona-bá prosesu preparasaun ba lansamentu primeira pedra konstrusaun edifisiu foun IPTL nian iha tempu badak, enkontru refere hala’o iha sala gabineti prezidente IPTL.
Entretantu Sr. Trinito Sarmento hateten inisiativa hodi mai iha IPTL hodi hare asuntu balun kona-bá preparasaun lansamentu primeira pedra ninian ne’ebé maka sei akontese iha tempu besik. Tamba ne’e hosi Ministériu mos sei kria komisaun ida hamutuk ho IPTL hodi hare hamutuk kona-bá preparasaun tékniku sira alende ne’e mos hosi Ministériu sei halo koordenasaun ho liñas Ministerial sira seluk hodi forma ekipa ida atu bele mai identifika ona dalan asesu nian nomos aihoris sira inklui rai sira ne’ebé hetan afeta hosi konstrusaun ne’e rasik.” Dehan Sr. Trinito.
Iha fatin hanesan, Magnífiku Prezidente Mestre Alcino da Costa Isaac A. Fernandes hateten IPTL hein deit koordenasaun hosi Ministériu hodi ajusta hamutuk konabá preparasaun ida ne’e ninian nomos hodi forma komisaun konjunta balun liga preparasaun tékniku sira.
“Ita tenki define uluk mak data fiksu ida atu nune’e mais fasil para bele komunika ho komunidade sira ne’ebé maka hetan afeta hosi konstrusaun ne’e rasik”. Dehan Magnífiku IPTL
Partispa iha enkontru ne’e maka ekipa hosi Ministériu Ensinu Superior Siensia no Kultura no Xefe Gabineti IPTL.
Média IPTL