Betano, 30 Juñu 2026 Instituto Politécnico de Timor – Leste ( IPTL) nia magnífiku Prezidente Mestre Alcino da Costa Isaac A. Fernandes hanesan mos prezidente Konsellu Koordenasaun (KK) hamutuk ho nia membro konsellu koordenasaun sira hotu hala’o enkontru hodi hare hamutuk aprezentasaun servisu hosi Diresaun serbisu Planeamentu no Finansas nomos serbisu Aprovizionamentu nian. Enkontru refere hala’o iha sala biblioteka IPTL Betano.
Entretantu iha enkontru ne’e iha aprezentasaun ofisial hosi Diretór Nasional Planeamento Finansas (DNPF– IPTL) nia Diretór Olmes Fernandes, ne’ebé maka aprezenta konabá prosesu ajustamentu durante ne’e iha Plano Asaun Annual (PAA) ba tinan 2027 hosi kada diresaun sira hotu nian ne’ebé hetan partisipasaun másimu hosi diresaun sira nomos ESEIC – Ermera hodi fo hatene ba membru KK sira hotu katak ida ne’e maka sai hanesan baze fundamental ida ba Plano Proposta Orsamentu Geral Estadu Tinan Fiskal 2027 nian.
Iha sorin seluk mos aprezentasaun hosi Diretór Nasionál Aprovizionamentu (DNA – IPTL) nia Diretór Idainato Amaral Tilman, ne’ebé fo sai konabá serbisu aprovizionamentu nian durante ne’e ne’ebé liga tenderizasaun sira nomos liga ho prosesu modalidade serbisu aprovizionamentu nian ne’ebé maka durante ne’e hala’o iha IPTL.
Antes remata Prezidente Konsellu Koordenasaun nian na Kualidade hanesan prezidente IPTL Mestre Alcino da Costa Isaac A. Fernandes agradese ba membru KK sira hotu ne’ebé maka partisipa iha enkontru ne’e no promove diskusaun ne’ebé maka rápidu teb-tebes ida ne’e signifíka ita nafatin hatudu sentidu pertense dezenvolvimentu intituisaun ida ne’e ba futuru ne’e diak liu tan. Dehan Prezidente IPTL.
Partisipa iha Enkontru ne’e Membru Konsellu Koordesaun sira hotu, Tékniku Administrasaun IPTL.
Média IPTL
