Betano, 01 Jullu 2026 Instituto Politécnico de Timor-Leste (IPTL) nia magnífiku prezidente Mestre Alcino da Costa Isaac A. Fernandes hamutuk ho estrutura tomak hala’o sorumutu monitorizasaun husi ekipa hosi Ministériu Ensinu Superior Siênsia no Kultura (MESSK) liu hosi Diresaun Nasionál Ensinu Superior (DNES) nian ne’ebé maka hala’o iha sala Biblioteka IPTL – Betano.
Magnífiku Prezidente IPTL Mestre Alcino da Costa Isaac A. Fernandes hato’o bemvindo ba ekipa hosi Ministériu hosi Diresaun Nasional Ensinu Superior (DNES) ligadu ho atividade monitorizasaun ne’e atu bele sai hanesan matadalan ka input ida mai iha IPTL hodi hadia no mellora diak liu tan funsionamentu sira ba oin.
Iha biban hanesan Xefi Diresaun Nasional Ensinu Superior (DNES) hateten iha sorumutu ida ne’e ita hodi hare hamutuk mudansa sira durante iha tinan iha hirak liu ba ho IPB to ohin loron sai ona IPTL ne’e konsidera hanesan mudansa bo’ot ida iha intituisaun ne’e.
Entretantu hosi parte ministériu rasik halo monitorizasaun ne’e objetivu atu observa funsionamentu neʼebé maka lao durante ne’e, nomos hodi hare kona-bá enkuadramentu legal sira ne’ebé maka prega ba iha IPTL. Dehan Xefi (DNES – MESSK).
Iha sesaun aprezentasaun hosi IPTL mak aprezenta kona-bá serbisu Jestaun Akadémika nian ho nia funsionamnetu sira hosi Primeiro Vise Prezidente IPTL Ir. Pedro de Deus M.Si.
, IPM nomos iha aprezentasaun hosi Segundo Vise Prezidente Sr. Xisto Constantino Pinheiro konabá Jestaun Administrativa nian Funsionamentu Institusional, Rekursu Humanu ho Infraestrutura ne’eb’e maka eziste iha IPTL.
Nune’e mos iha aprezentasaun ikus kona-bá progresu hosi Eskola Superór rua Engenharia no Agrononomia I Zootéknika hodi nia responsavel sira mak hanesan Diretór ESAZ no Koordenador ESE.
Depois remata monitarizasaun ne’e mos iha Site Visit hosi Ekipa MESSK-DNES ba laboratoriu hodi hare ekipamentus Prátika nian iha laboratóriu ESE no ESAZ.
Partisipa iha atividade monitorizasaun ne’e maka hanesan Ekipa Tékniku hosi (Diresaun Nasional Ensinu Superior (DNES – MESSK) no Estrutura másimu IPTL inkui Xefia hosi Diresaun Tuteladu sira nomos Tékniku administrasaun IPTL.
Média IPTL
