Betano, 06 Agostu 2026 Instituto Politécnico de Timor – Leste (IPTL) nia magnífiku Prezidente Mestre Alcino da Costa Isaac Fernandes akompaña hosi Sekretariadu Konsellu Tékniku Sientífika no Pedagójiku (KTSP) realiza enkontru ida hamutuk ho membru KTSP sira hotu hodi hare hamutuk aprezentasaun kona-bá Standard Operational Procedure (SOP) husi Direção Nacional de Avaliação e Certificação de Docentes (DNACD-IPTL) no aprezentasaun programa Deziminasaun hosi Eskola superior Agronomia I Zootécnica no Escola Superior Engeñaria hodi hetan Aprovasaun hosi membro KTSP antes halo Deziminasaun ba Eskola iha ESTV sira iha Munisipiu hotu.
Entretantu iha aprezentasaun refere aprezenta hosi Diretor DNACD-IPTL Eduardo Neno, nian mak aprezenta kona-bá Standard Operational Procedure (SOP) ne’e dezeña atu regula mekanizmu aplika ba promosaun no progresu kargu ba docente sira iha IPTL ne’ebé garante prosesu implementasaun ne’ebé ordenadu, efetivu, transparante no akuntavel. Partisipa iha enkontru ne’e membro KTSP sira hotu inklui ho Tékniku sira.
Média IPTL
