Dili, 27 Agostu 2026 Instituto Politécnico de Timor-Leste (IPTL) nia Xefi Gabinete Sr. Abilio da Silva reprezenta Prezidente IPTL partisipa iha Steering Committee Meeting Ba dala Tolu ne’ebé maka realiza iha Instituto Nasional Estatística de Timor-Leste (INETL,I.P) iha Caicoli – Dili.
Atividade refere liga direita ho peskiza nian ne’ebé maka INETL,I.P, Ministeriu Finansas ho Sekretariu Estadu Formasaun Professional no Empregu (SEFOPE) hetan asistensa téknika hosi organizasaun Internasional (ILO) oras ne’e dadaun planeia hela atu implementa Timor-Leste Labor Force Survey (TL LFS) 2026.
Atividade ne’e konsidera envolvimentu ideia konstrutivu sira hosi instituisaun sira hotu inklui akademista sira importância tebes hodi bele kontribui no dezenvolve hodi bele melora diak liu tan prosesu peskiza ba dadus sira mais efisiente Liu tan. No objetivu Prinsipal hosi reuniaun refere maka atu atualiza no diskute kona-bá progresu preparasaun Kestionáriu no perguntas sira iha kontextu nasionál ba TLLFS 2026.
Molok termina atividade aprezentasaun ne’e parte hotu nebe maka hola parte halo observasaun direita ba fatin treinamentu ba ekipa enumeradores sira ne’ebé maka halo hela treinamentu hodi ba halo peskiza no rekolla dadus utiliza Sistema LFS Questionare.
Partisipa iha atividade refere hetan partisipasaun hosi Instituisaun Governo, Instituto Publiku no Instituisaun Akadémika sira inklui setor sira seluk.
Média IPTL
