Baucau, 28 Agostu 2026 Instituto Politécnico de Timor-Leste (IPTL) nia Magnífiku Prezidente Mestre Alcino da Costa Isaac A. Fernandes M.Ed akompanha hosi nia Xefi Gabinete Sr. Abilio da Silva nomos Tékniku sira hosi IPTL hamutuk ho Ekipa sira hosi Ministeriu Ensinu Superior Siensia no Kultura (MESSK) Diresaun Geral Ensinu Superior nia Diretores Nasionais sira, Jurídiku nomos tékniku Sira halo atividade diseminasaun Lei Baze Ensinu Superior nian iha Salaun CCC – Munisípiu Baucau.
Iha sesaun aprezentasaun Prezidente IPTL Mestre Alcino da Costa Isaac A. Fernandes hanesan orador introduz profile geral Instituto Politécnico de Timor-Leste (IPTL) nian ho natureza jurídika sira nomos ho ezistensia husi mudansa IPB transforma ba IPTL nomos aprezenta vídeo badak kona-bá kondisaun real IPTL nian ho nia Eskola Superior sira ne’ebé iha Betano nomos Eskola Superior ESEIC iha Ermera.
Diseminasaun refere nu’udar polítika ida hosi Ministériu Ensinu Superior nian Liu-liu iha Diresaun Nasional Ensinu Superior no Siensia, oinsa maka atu disemina no partilla Lei estabelesimentu Ensinu Superior Universitariu sira ho Ensino Superior Tékniku sira iha Timor-Leste. Tambá ne’e konsidera katak importansia hosi Lei Baze Ensinu Superior atu bele define padraun legal sira hodi garatia funsionamentu ba Universidade Estatal sira hanesan UNTL no IPTL.
Atividade ne’e prienxe ho oradores importante sira nomos hetan partisipasaun hosi autoridade relevante Sira iha Munisípiu Baucau, inklui mos ho Polo Universidade no Instituto sira ne’ebé eziste iha Baucau.
Atividade refere hala’o durante loron ida iha Baucau no sei expande tan ba iha Munisipiu Bobonaro iha dia 11 Setembro 2026.
Média IPTL
