Betano, 18 Maio 2026, Instituto Politécnico de Timor – Leste (IPTL) dadaun ne’e iha ona Alumni barak ne’ebé maka gradua ona hosi Institutu ida ne’e no barak tebes maka serbisu ona iha Instituisaun no Kompaña sira maibé to agora seidauk iha Sistema ida ne’ebé maka atu halo kontrolu ou Tracking ba Alumni sira hodi bele hatene rekursu IPTL nian no bele armajezena diak liu tan dadus alumni sira nian mais efetivu liu tan.
Bazeia ba Asinatura Akordu kooperasaun iha Kontratu Programa nian iha konabá area digitalizasaun liu hosi Unversidade Nasionál Timor – Lorosa’e (UNTL) nia Faculdade Enjeñaria Siênsia no Teknologia ( FECT), Departamentu Engeñaria Informátika (DEI) liu hosi Vise Dekanu hamutuk ho Tékniku asuntu Informatizasaun nian sira aprezenta lalaok kona-bá prosesu dezenvolvimentu Sistema Tracer Study ( Sistema Alumni Tracking ) atu estabelese iha Instituto Politécnico de Timor – Leste (IPTL) iha tempu besik.
Ajustamentu ne’e hala’o entre ekipa Tékniku IT IPTL nian hamutuk ho Estrutura sira hosi IPTL atu prepara rekursu sira tuir nesesidade IPTL nian atu nune’e ba oin bele implementa diak liu tan “ Sistema Alumni Tracking “ ne’ebé maka sei dezenvolve hosi Fakuldade Engeñaria, Departamentu Engeñaria Informátika – UNTL.
Média IPTL