Betano, 26 Agostu 2026 Instituto Poitécnico de Timor – Leste (IPTL) nia magnífiku prezidente Mestre Alcino da Costa Isaac A. Fernandes akompaña hosi nia Primeiro Vise Prezidente Ir. Pedro de Deus No Segundo Vise Interinu Sr. Fernando Hornes, halo abertura ba atividade ne’ebé maka realiza hosi Direção Nasionál do Centro Pesquisaa Científica e Serviço Comunitaria – (DNCPCSC – IPTL) konabá desiminasaun matadalan peskiza iha IPTL.
Diretór Sentru Peskiza – IPTL Sr. Abilio dos Santos hateten iha oportunidade desiminasaun ida ne’e atu tulun peskizador ka dosente sira hosi Eskola Superiór hanesan ESE, ESAZ no ESEIC atu bele kumpri tuir regulamentu no matadalan ne’ebé produz ona hosi Sentru Peskiza IPTL nian, atu nune’e mais fasil ba Dosente sira ne’ebé maka hakarak peskiza bele submete tuir rekezitus ne’ebé maka iha ona matadalan refere nomos oinsa maka atu atinji objetivu tuir orientasaun no natureza instituisaun nian nomos ho padraun internasionál sira.
Iha biban ne’e mos Magnífiku Prezidente IPTL Mestre Alcino da Costa Isaac A. Fernandes M.Ed hateten maske tinan ne’e ita laiha orsamentu ba Peskiza nian maibé ita nafatin konsidera tau iha Plano sira hodi bele realiza tuir prinsipiu instuisaun nian ba iha Eskola Superiór sira no liu-liu ba iha Kursu sira ne’ebé maka eziste iha IPTL, no ita nafatin iha komitmentu hodi bele kordena iha área peskiza no Serbisu komunitariu ninian iha parte Internal no External hodi bele tulun dosente sira ne’ebé maka iha inisiativa foun hodi bele kontribui ba dezenvolvimentu iha ita nia instituisaun.
Objetivu hosi desiminasaun refere iha peskiza Sientífika nian oinsa maka atu hasa’e kapasidade peskizador sira nian iha Peskiza Bázika no Aplikada hodi bele hakbiit no Reforsa atividade peskiza nian bele tuir tarjetu ne’ebé maka bele fo benefisiu diak ba Peskizador, Instituisaun inklui Serbisu Komunitaria.
Atividade refere hala’o iha Betano no hetan Partsipasaun hosi Dosente sira hosi Eskola Superior hanesan Eskola Superior Enjeñaria (ESE), Eskola Superior Agronomia no Zootéknika (ESAZ) nomos reprezentante hosi Eskola Superior de Estudo E Investigativo do Café (ESEIC- Ermera). Média IPTL
