Dili, 08 Maiu 2026
Instituto Politécnico de Timor – Leste (IPTL) liu hosi Segundu Vise Prezidente Sr. Xisto Constantino Pinheiro reprezente Prezidente IPTL hamutuk ho formador hosi INAP insera atividade formasaun espesializadu ne’ebé maka hala’o durante semana ida iha INAP – Dili.
Iha biban hanesan Segundo Vise Prezidente Sr. Xisto Constantino Pinheiro lori IPTL nia naran hakarak hato’o agradesimentu klean ba Diretór Geral INAP ho nia estrutura tomak ne’ebé maka durante ne’e fo asienténsia diak nomos ba fasilitadores sira hotu, lori formando sira hotu nia naran karik karakter ruma la monu ba formador sira nia laran durante prezensa hamutuk iha fatin ida ne’e husu deskulpa.
“Nafatin esperansa ba oin ho atividade formasaun espesializada sira hanesan ne’e liu hosi fasilitador sira atu ami bele aproveita hodi hasa’e koñesimentu hodi garante funsionamentu administrasaun públika iha instituisaun mais efisiente liu tan”. Dehan Sr. Xisto
Entretantu Diretór Geral INAP hateten ita tenki iha formasaun sira hanesan ne’e nomos depois de formasaun hotu ita atu halo saida, diretor ne’e mos fo komentariu liga ho mudansa téknologia sira ne’ebé mak lais los kompara ho ita nia preparasaun sira. Maibé ita mak tenki aproveita didiak iha formasaun sira hanesan ne’e ho siensia ne’ebé hetan hodi bele garante ba sustentabilidade instituisaun nian, nomos louva ho ita sira nia instituisaun tamba bele hetan oportunidade iha formasaun espesializadu sira hanesan ne’e.
Diretór ne’e akresenta tan katak ba oin ita nafatin kolabora malu hodi hare hamutuk serbisu kooperasaun sira hodi hasa’e atividade formasaun sira hanesan ne’e iha futuru. aumesmu tempu halo mos inseramentu ba atividade refere iha Salaun formasaun INAP – Dili. Média IPTL
