Betano, 19 Maiu 2026 – Instituto Politécnico de Timor-Leste (IPTL) nia magnífiku Prezidente Mestre Alcino da Costa Isaac A Fernandes halo abertura ba atividade Semináriu Nasionál ne’ebé maka organiza hosi Eskola Superiór Engenharia (ESE) Kursu Konstrusaun Sivil (KKS) ho nia Tema ” PROJETU INFRAESTRUTURA IHA TIMOR-LESTE, ÉTIKA PROFESSIONÁL, KUALIDADE, MONITORIZASAUN NO DEZAFIU HUSI ATRAZU PROJETU”. Atividade ne’e hala’o iha salaun IPTL Betano.
Iha biban ne’e mos koordenador Eskola Superiór Engeñaria Mestre Aquino Vilde hanesan mos Diretór interino senti kontenti ho prezensa hosi oradores sira hotu maske iha kondisaun klíma ne’ebé maka ladun diak maibé agradese ita hotu bele hamutuk iha ne’e hodi hala’o atividade seminariu ida ne’e ho diak hodi partilla informasaun sira ligadu ho projetu konstrusaun infraestrutura iha Timor – Leste.
Kordenador salienta katak ho oradores Nasionál sira ne’ebé iha área espesífiku sira iha serbisu professional hanesan enjeneiru bele partilla diak liu tan no bele fo resposta preokupasaun sira ho tema ne’ebé maka ita sita iha semináriu ida ne’e.
Iha fatin hanesan Magnífiku prezidente agradese no hato’o bemvindu ba oradores Nasional sira hotu ne’ebé maka fo ona tempu ho disponibilidade bele marka prezensa hodi fahe matenek sira no esperiensia no deskobrementu sira ba estudante sira nomos konvidadus sira hotu.
“Iha ambitu selebrasaun loron restaurasaun independensia 20 de Maio ba dala 24 ida ne’e hakarak hato’o hela mensagen badak ita tenki hatudu sentidu ho asaun kik oan sira hanesan ne’e hodi hatudu ita nia responsabilidade katak ita pertense ba iha nasaun Timor – Leste”. Dehan Magnífiku Prezidente
Entretantu aprezentasaun hosi oradores nasionál sira ne’e ho tema ne’ebé maka sita atu fo hanoin kona-bá prosesu Kontratasaun no dezelvolvimentu kona-bá projetu infraestrutura ho professinal liu tan nomos kontribuisaun hosi parte Governu, Setor Privadu no Akadémiku sira atu nune’e bele garante dezelvolvimentu infraestrutura sira hotu hatur tuir plano estratéjiku ida ne’ebé maka diak hodi bele monitoriza ba dezafius ho nia impaktu sira atu nune’e bele garantia ba sustentabilidade no boa governasaun ba Timor – Leste nia diak.
Partsipa iha semináriu refere maka Primeiro Vise ho Segundo Vise Prezidente IPTL, Inspetor Geral – IPTL, Reprezentante IBTL, Diretor Nasionais, Xefe departamentu no konvidadus Nasionál sira nomos Estudante Kursu konstrusaun Sivil.
Media IPTL