Betano 26 Maiu 2026 – Instituto Politécnico de Timor – Leste (IPTL) nia Magnífiku Prezidente Mestre Alcino da Costa Isaac A. Fernandes hanesan mos prezidente Konsellu Koordenasaun (KK) – IPTL nian tuir ajenda hosi sekretariadu Konsellu Koordenasaun nian hala’o sorumutu ho membru KK sira hotu hodi aprezenta no tetu hamutuk hodi elabora proposta no Planu Orsamento Geral do Estado (OJE) tinan 2027 iha sala biblioteka.
Entretantu iha aprezentasaun ne’e hosi kada eskola Superiór tolu mak hanesan ESE, ESAZ no ESEIC – Ermera inklui diresaun tuteladu sira iha gabineti Primeiru Vise no Segundu vise, gabineti Inspetória Jeral IPTL nomos hosi gabineti Prezidente nian.
Objetivu hosi aprezentasaun ne’e ba oin atu bele ajusta hamutuk plano sira hosi kada diresaun mai iha Diresaun Gestaun no Planeamentu Finansas IPTL nian hodi tetu no halo sumarizasaun ba proposta sira ne’ebé maka elabora hosi kada diresaun sira ho intregadu atu tau iha planu orsamentu ba tinan 2027 nian ne’ebé sei aprezenta iha ajenda KK nian tuir mai.
Marka prezensa iha sesaun aprezentasaun ne’e maka hanesan, Primeiro Vise Prezidente ho Segundo Vise Prezidente, Diretór hosi eskola superiór tolu ESE, EZAS no ESEIC-ERMERA, Diretór Diresaun Plano Finansas IPTL nian, Diretór DNSEAI, Diretór Aprovizionamentu, Inspetór Geral – IPTL, Diretór Sertifikasaun Dosente, Diretór Peskiza no Servisu Komunitaria, Xefi Gabineti Prezidente, Xefe Rekursus Umanos IPTL ho tékniku administrasaun IPTL.
Média IPTL