Dili, 08 Jullu 2026 – Instituto Politécnico de Timor – Leste (IPTL) liu husi Escola Superior de Estudo e Investigação do Café (ESEIC), partisipa iha semináriu no 𝐄𝐱𝐩𝐨 𝐌𝐚𝐥𝐚𝐲𝐬𝐢𝐚 𝟐𝟎𝟐𝟔 ho tema “𝐃𝐞𝐬𝐭𝐢𝐧𝐚𝐭𝐢𝐨𝐧 𝐒𝐞𝐦𝐢𝐧𝐚𝐫 𝐚𝐧𝐝 𝐓𝐚𝐛𝐥𝐞 𝐓𝐨𝐩”. Atividade ne’e realiza iha CCD-Mercado Lama Dili.
Semináriu ne’e envolve oradór sira husi Malaysia ne’ebé hato’o matéria kona-ba negósiu no marketing iha merkadu global. Atividade ne’e, aumenta koñesimentu partisipante kona-ba estratéjia no oportunidade negósiu, liuliu iha setór turizmu, kultura, teknologia, no área seluk ne’ebé suporta dezenvolvimentu ekonómiku.
Partisipasaun estudante ESEIC iha eventu internasionál ida ne’e hatudu kompromisu instituisaun atu aumenta kapasidade estudante sira no prepara sira atu bele konkorre iha mundu profisionál no negósiu internasionál.
Fontes: ESEIC
