Dili, 23 Juñu 2026 – Instituto Politécnico de Timor – Leste ( IPTL ) liu hosi Eskola Superiór Agronomia no Zootéknika (ESAZ) Kursu Produsaun Animal (KPA), nia estudante sira hosi Turnu – 2025 ba hala’o estudu kampu iha Kompañia Pig Breeding Center, ne’ebé maka lokaliza iha Suku Wenunuk, Postu Administrativu Metinaro, Munisípiu Dili.
Entretantu objetivu hosi estudu kampu ne’e atu hasa’e koñesimentu estudante sira prátika kona-bá Suinokultura nomos ajuda estudante sira bele identifika no halo esplikasaun kona-bá sistema hakiak fahi iha komunidade ka empreza hakiak na’in sira.
Nomos bele identifika tipu ka espesie fahi hosi hakiak nain sira nomos bele esplika konabá tipu rasaun nian, ho nia maneira sira ba formulasaun jestaun fornesimentu rasaun nian, no bele identifika no esplika konabá selesaun fahi fini nian no oinsa maka bele halo jestaun fo kaben ho métodu natural no artifisial.
Atividade estudu kampu refere hetan akompañamentu hosi Diretór Eskola Superiór Agronomia Zootéknika (ESAZ) Ir. Julio Vicente, S.Pt. ,M.Sc., IPM ho nia Dosente Pereira nomos Tékniku Kursu Produsaun Animal Zaqueu Soares Mendonça, no atividade ne’e hala’o durante loron rua.
Média IPTL
