Betano, 01 Juñu 2026 – Instituto Politécnico de Timor – Leste(IPTL) kontinua hasa’e bandeira ba semana dahuluk fulan Juñu nian ne’ebé maka responsabiliza hosi estudante hosi Kursu Konstrusaun Sivil Turnu 2026 nian iha resintu IPTL.
Iha biban hanesan Segundo Vise Prezidente IPTL Sr. Xisto Constantino Pinheiro nu’udar mos inspetór serimónia ba isar bandeira ohin hateten ita tenki partisipa másimu iha atividade solene sira hanesan ne’e hodi hatudu lolos ita nia nasionalismu no patriotsmu ba nasaun RDTL, nomos fo hanoin ba seguransa IPTL nian atu nafatin kumpri hasa’e no hatun bandeira iha loron – loron nian tuir oráriu ne’ebé iha.
Inspetór mos nafatin apela ba diresaun sira hotu atu aselera ita nia implementasaun ba atividade sira hotu nomos ho relatóriu sira iha Trimestral Daruak atu bele submete tuir kalendariu hosi Ministériu Finansas atu nune’e labele difikulta hodi bele inserta ba iha sistema sira.
“Iha tinan ida ne’e mos kada diresaun halo hela Plano Asaun Annual (PAA) ba 2027 nomos Plano Orsamentu ba tinan 2027 nian, Inspetór nafatin apela katak iha tempu badak ita mos sei simu prezente bo’ot ida kona- bá lansamentu primeira pedra ba Konstrusaun Kampus foun IPTL nian ne’ebé maka sei lansa direta hosi Sua, Exia. Primeiro Ministro iha tempu badak”. Tenik Sr. Inspetor
Antes husik hela fatin inspetór nafatin apela ba kargu diretóres, Xefia sira, funsionariu atu nafatin obedese ba superiór másimu sira hanesan responsabilidade tuir hirarkia iha instituisaun ida nia laran, nomos husu ba estudante sira katak maske ita mai hosi Munisípiu ketak – ketak maibe ita deit ne’ebé maka hamahan an iha IPTL , ita tenke kria nafatin unidade ba malu respita malu nafatin nu’udar Timor oan.
Partisipa iha serimónia Isar bandeira ne’e maka hanesan , Diretóres sira, Kargu Xefia Funsionáriu Administrasaun no Estudante IPTL.
Média IPTL