Dili, 24 Agostu 2026 Instituto Politécnico de Timor-Leste (IPTL), nia Magnífiku Prezidente Mestre Alcino da Costa Isaac A. Fernandes, hamutuk ho nia ekipa, ne’ebé kompostu husi Vice-Presidente Asuntu Akadémiku no Diretór Finansas, halo konsultasaun ho Komisáriu Komisaun Funsaun Públika (KFP), José Telo Soares Cristóvão, Sekretária Ezekutiva no ekipa KFP, inklui Diretór Nasionál Forsa Traballu, iha Gabinete Prezidente KFP, Matadouro, Dili.
Iha oportunidade refere Diretór Nasional Formasaun, Francisco da Costa Pereira, esplika katak husi kandidatu na’in-39 ne’ebé IPTL submete hodi tuir formasaun karakter, maibe sira hotu la priense kriteriu ne’ebe iha. Objetivu hosi Konsultasaun ne’e aborda asuntu formasaun karakter, forsa traballu no rekrutamentu ba rejime espesiál, inklui kestaun sira ne’ebé relasiona ho dezenvolvimentu no preparasaun rekursu umanu iha IPTL.
Atu kompleta prosesu formasaun ne’e, sei konsidera substituisaun kandidatu sira ho kandidatu husi Provedoria Direitus Umanus no Justisa (PDHJ) no Tribunál sira.
Hatan ba kestaun sira ne’e, Komisáriu KFP, José Telo Soares Cristóvão, hateten katak KFP foin lalais ne’e halo ona koordenasaun ho Ministériu Finansas kona-bá asuntu despeza no ajustamentu forsa traballu, tanba ne’e, ekipa téknika sei prepara no fó resposta ofisiál, inklui solusaun ba IPTL, iha tempu badak.
Iha enkontru ne’e, Presidente IPTL mos aprezenta asuntu kona-ba integrasaun eskola foun sira, ajustamentu forsa traballu no rekrutamentu ba -Escola Superior do Estudo e Investigação do Café –ESEIC iha ermera no Escola Turismu no Hotelaria iha Lospalos.
Medida sira ne’e importante atu prepara no asegura prontidaun instituisaun sira ba inísiu tinan letivu 2027. Fontes: Media KFP
