Dili, 22 Maiu 2026 – Instituto Politécnico de Timor-Leste (IPTL) nia magnífiku Prezidente Mestre Alcino da Costa Isaac A. Fernandes akompaña hosi estrutura IPTL realiza audiénsia ho Parlamentu Nasionál (PN) ho membru deputadu komisaun G ne’ebé mak trata asuntu serbisu Edukasaun, Kultural no Sidadania nian. Audiénsia refere hala’o iha sala enkontru Komisaun G PN.
Iha intervista Prezidente IPTL hateten Objetivu prinsipal hosi enkontru ida ne’e hodi relata kona-bá impaktu hosi Orsamentu Ratifikativu ne’ebé maka IPTL mos hetan redusaun hosi Governu liu hosi Ministériu Finansas ho nia montante Dólar amerikanu rihun neen atus ida hitu-nulu resin walu ( $6.178. 00) ne’ebé maka ohin ekipa IPTL relata hela ba Komisaun G.
Prezidente IPTL mos afirma tan katak impaktu hosi redusaun ba Orsamentu ne’e rasik afeta ba Orsamentu Geral Estadu IPTL nian iha tinan 2026 ne’ebé maka ho nia montante ($ 1.422.292) dolar amerikanu, mesmu ladun prejudika bo’ot ba atividade sira ne’ebé maka hala’o hela, maibé IPTL nafatin halo ezersisiu balun nomos sujere hela atu halo redusaun ba Orsamentu ne’ebé maka temi bele foti liu hosi programa ida nebe liga ho Transferência Públicas ninian hodi nune’e bele korespondensia ona no labele fo impaktu no prejudika fali ba atividade sira seluk.
Antes termina prezidente mos relata tan katak konabá redusaun ida ne’e la fo impaktu boot ba prosesu Ezekusaun Orsamentu IPTL nian.
Atividade Enkontru ne’e akompaña hosi Primeiro Vise Prezidente IPTL ho Segundo Vise, Inspetor Jeral IPTL, Diretor plano Finanças IPTL no enkontru ne’e lidera hosi Prezidente Komissaun G parlamentu nasional ho nia estrutura sira.
Média IPTL