Betano, 29 Maiu 2026 – Instituto Politécnico de Timor – Leste (IPTL) nia magnífiku prezidente Mestre Alcino da Costa Isaac A. Fernandes hamutuk ho parte Inspesaun Jeral IPTL hala’o sorumutu ho Líderes Komunitaria Suku Betano hodi relata konabá preparasaun lansamentu ba Kampus foun IPTL iha tempu besik, enkontru refere hala’o iha sede Suku Betano.
Iha biban hanesan magnífiku prezidente hateten katak xefe Suku ho nia estrutura sira oinsá maka atu hola parte mos iha ekipa konjunta ida ou hodi forma komisaun ba preparasaun lansamentu ba Kampus foun ne’e rasik ne’ebé maka sei akontese iha tempu badak nia laran nomos hodi hare kona-bá dalan foun ne’ebé maka identifika ona hodi asesu ba fatin konstrusaun Kampus foun nian.
Xefe Suku Betano senti orgullu no kopera hodi hein atu bele identifika ba dalan foun ne’ebé maka durante ne’e observa ona no identifika ba fatin sira ne’ebé maka afeta ba propriedade sira seluk atu nune’e hodi hein prosesu sira tuir mai.
Depois enkontru hotu Prezdeinte IPTL akompaña hosi Estrutura sira nomos Xefe Suku inklui nia membro sira hala’o observasaun ba dalan foun ne’ebé maka antes ne’e identifika ona hodi hare propriedade sira ne’ebé maka hetan afeta hosi kontrusaun dala ba Kampus foun IPTL nian.
Enkontru ne’e hetan partisipasaun másimu hosi Ekipa Inspesaun Geral IPTL nian nomos Lideres Komunitária Suku Betano.
Média IPTL