Dili, 25 Juñu 2026, Vossa Magníficiência Presidente Instituto Politékniku Timor Leste (IPTL) Sr. Alcino da Costa Isaac Andrade Fernandes, akompanha husi Primeiro Vice Presidente Sr. Pedro de Deus, Segundo Vice Presidente Sr. Xisto Constantino Pinheiro, Diretor Nasional Planu no Finansa Sr. Fernando Hornes, hamotuk ho Funsionáriu IPTL, Presta Omenajen ikus ba Kadavér Saudozu Francisco Guterres “Lú Olo iha Farol – Dili.
Iha Omenajen ikus ida ne’e, Vossa Magnificiência Presidente IPTL hetan oportunidade hodi husik hela Lia fuan kompaktu iha meja resepsionista hodi hateten katak Familia bo’ot IPTL, hato’o Sentidu Kondolensia ba Aman Veteranos, Eis-Presidente Repúblika, Eis-Presidente Parlamentu Nasional no Presidente Assembleia Konstituinte. “Avo Lú Olo Ema ida ne’ebé Espertu Ordinariu no Lider Ezemplar iha Familia, liu husi Humildade, Konsistensia no Dura”, remata, kontinua kedas, ba vijita hodi kompramenta Kadavér Saudozu Francisco Guterres “Lú Olo nian”.
Rekorda fali katak Saudozu Francisco Guterres “Lú Olo” moris iha Ossu – Viqueque, Loron 7 fulan Setembru tinan 1954. Nune’e hakotu iis hodi husik hela Povu, Nasaun Timor Leste no Fen Kaben Sra. Cidália Lopes Nobre Mouzinho Guterres, ho Oan nain 4 (Feto 1, Mane 3), iha loron 21 Fulan Junho Tinan 2026, iha Ospital Prince Court – Kuala Lumpur – Malázia, hafoin translada Kadavér Saudozu Francisco Guterres “Lú Olo” nian, to’o Timor Leste iha Loron 23 Fulan Junho Tinan 2026 ho Aviaun Aero Dili, ne’ebé simu ho Ondra Estadu, iha Aero Portu Internasional Presidente Nicolau dos Reis Lobato – Dili. Média IPTL
