Betano, 01 Juñu 2026 – Instituto Politécnico de Timor – Leste (IPTL) nia magnífiku prezidente Mestre Alcino da Costa Isaac A. Fernandes hamutuk ho estrutura sira entrega prémiu ba manan na’in sira ne’ebé maka durante ne’e partisipa iha jogu desportivu hodi selebra 20 de Maiu ne’ebé maka realiza hosi estrutura asosiasaun Estudantil nian iha resintu IPTL – Betano.
Iha biban hanesan magnífiku prezidente Mestre Alcino da Costa Isaac A. Fernandes hateten relasiona ho jogu kompetisaun ida ne’e hosi problema lubuk bo’ot ida ne’ebé akontese durante iha jogu ne’e atu lori ita ba koñese diak saida maka amizade lolos katak manan nain ne’ebé maka bo’ot liu ne’e mak amizade”.
Entretantu jogu desportivu ne’e kompostu hosi modalidade maka rua mak hanesan Futeból ba Mane nomos Futsal Ba feto sira, ne’ebé maka hetan partisipasaun másimu durante ne’e hosi Estudante Kursu rua Produsaun Animal no Konstrusaun Sivil nomos Funsionáriu Administrasaun.
Partisipa iha Serimónia refere maka hanesan, Diretór ESAZ, ho Koordenador ESE nomos Estudante Sira, Funsionáriu Administrasaun IPTL.
Média IPTL