Betano, 13 Juñu 2026 Instituto Politécnico de Timor – Leste (IPTL) realiza atividade kompetisaun ba hakerek muzika Marsa Ofisial IPTL nian ne’ebé maka bazeia anunsiu ne’ebé maka fo sai ona durante ne’e no finaliza ikus iha loron ohin hodi hare hamutuk manan nain ba Marsa IPTL nian. Atividade ne’e realiza iha salaun IPTL.
Iha kompetisaun ne’e hetan partisipasaun hosi konkorente hamutuk na’in 4 maibé nain rua maka deside to tama ba faze aprezentasaun final nian.
Entretantu iha konkorente nain-rua (2) ne’ebé mak tama iha faze final mak hanesan kompozitór Sr. Deonizio Vicente hanesan dosente IPTL no mos Sr. Arlindo Ximenes hanesan alumni IPTL.
Kompetisaun ne’e rasik avalia husi juri mak hanesan Fr. Júlio, Fr. Jebedio husi Seminario Maior Fatumeta no Sra. Francisca Sarmento husi Ekipa Corral Paroquia Nossa Senhora de Assunção Same.
Rezultadu ba kompetisaun ne’e manan na’in hosi Konkorente Deonizio Vicente ho nia ekipa . Ikus liu asina akta deklarasaun hosi Estrutura IPTL ba finalidade marsha IPTL.
Média IPTL