Betano, 07 Maiu 2026 Instituto Politécnico de Timor – Leste (IPTL) liu husi nia Magnífiku Prezidente atende semináriu sientífku ne’ebé maka organiza hosi Instituto Nasional de Ciência e Tecnologia (INCT) ho nia asuntu Seminário no Disseminação Científica hodi partilla kona-bá Sistema Repositório Científico Nasional de Timor – Leste, Revista de Ciência e Tecnologia, Ética na Investigação nomos Rezultados da Pesquisa Científica. Semináriu refere hala’o iha Salaun IPTL.
Iha biban hanesan Magnífiku prezidente IPTL Mestre Alcino da Costa Isaac A. Fernandez hato’o bemvindo no agradese ba Prezidente INCT ho nia komitiva tomak bele marka prezensa ona iha IPTL hodi partilla inforasaub sira kona-bá Sistema Repositório sira ne’ebé maka iha ligasaun ho peskizadores sira iha iha IPTL rasik. Tambá hanesan komunidade akadémika ita tenki iha koñesimentu naton hodi bele kontribui ba iha peskiza sientífiku sira nomos semináriu ida ne’e laos ikus mak ohin maibé ita sei koko nafatin materializa kooperasaun sira entre IPTL ho INCT iha area peskiza nian ba futuru.
Entretantu prezidente INCT Dr. José Cornélio Guterres hateten objetivu prinsipal iha semináriu ida ne’e atu introduz sistema repositóriu digital sira ne’ebé maka inisia ona hosi INCT rasik atu nune’e mais fasil hodi armagena no halo publikasaun ba peskiza sientífiku sira ho digitalmente mais fasil atu asesu ba públiku sira.
Espesifikamente iha aprezentasaun hosi Dr. José Cornélio ho Dra. Jacinta konabá ninia lalao’k sira oinsa maka atu kompriende servisu INCT nian liga ho Peskizador sira iha Timor – Leste,hodi hafasil ba sira nia publikasaun sira iha Sistema Repositório Ciêntífico Digital Nasional ho artigo sira, livru nomos konteudu peskiza sira seluk tan iha area oioin.
Nia mos hatutan kona-bá padraun étika iha Investigasaun Sientífika ninian ba peskizadores sira winhira atu produz konteudu ruma iha area peskiza ninian tenki tuir nia padraun nomos kriteria ne’ebé maka regulariza hosi INCT rasik.
Depois semináriu entrega mos rezultadu peskiza Sientífika nian hosi peskizador Dr. Acácio Cardoso Amaral reprezenta hosi INCT entrega ba Prezidente IPTL.
Marka Prezensa iha atividade seminar refere maka, Dosente sira, Estudante IPTL inklui tékniku INCT.
Média IPTL